माया गर्नेले फकाउन पनि जान्नुपर्छ(गजल:रजिन ढुङ्गेल)

गजल❤❤💕💓💖💗

माया गर्छु त्यसैले त फकाउन खोजे उनलाई
 आफै बनाई परिकार चखाउन खोजे उनलाई

यताउति हिड्दाखेरी राम्रै भई हिड भन्छु
अह भन्छिन् आफै सजाउन खोजे उनलाई

नारी बलवान् भन्दा उनी पुरूषजति होईन भन्छिन्
मख्ख परी काम सघाउन खोजे उनलाई

सधैभरी हासिराख्ने रिसाउदिनन् कहिल्यै पनि
नानाथरी कुरा गर्दै सताउन खोजे उनलाई

गफ गर्छिन् अलि बढी के के भन्छिन् भन्छिन्
गफै गफले मैले पनि तताउन खोजे उनलाई

आगो आगो भएपछि घर ध्वस्त हुन्छ भनी
आफु पानी बनेर बचाउन खोजे उनलाई