यो जिन्दगी बोलको गीतकारसँग रमाईलो कुराकानी

मिति २०४५ साल चैत १९ गते बिहिबार साविक बुद्वशान्ती-४ बर्नेमा स्व. सन्त बहादुर लेप्चा र शान्ती कुमारी राई(लेप्चा) को महिलो छोराको रुपमा जन्मिनु भएको वाङ्गचु लेप्चा (सुमन) हाल स्थायी बसोबास बुद्वशान्ती-७, धारागोलामा बस्दै आउनु भएको छ ।
वहाँले २०६६ साल देखि निरन्तर कविता, कथा, मुक्तक, गजल, समाजिक लेख लागयत लेख्दै आउनु भएको छ । वहाँको "बालुवाको घर" प्रकाशित कथा संग्रह हो । वहाँलाई लेप्चा समुदायको प्रथम कथाकारको रुपमा चिनिन्छ । अहिले वहाँको शब्दमा नयाँ गीतको अडियो भिडियो सार्वजनिक भएको छ, उक्त भिडियोमा वहाँ आफैले अभिनय पनि गर्नु भएको छ । अहिले सो भिडियोले युट्युबमा राम्रै दर्शक पाई रहेको छ, यसै सन्दर्भमा म रजिन दुङ्गेलले वहाँसग लिएको अन्तर्वार्ताको केही अंशहरु ।

✌ सर अहिले केमा व्यस्त हुनुहुन्छ?
🌹केमा भन्नू मोटरसाइकल दुर्घटना परेर बेड रेस्ट गरि रहेको छु, त्यही अहिले मेरो शब्दमा गीत सार्वजनिक भएको छ, त्यसैलाई फेसबुकमार्फत साथीभाईहरुलाई खुशी साट्दै बसि रहेको छु ।

✌ तपाईलाई यो गीत कस्तो भयो जस्तो लाग्छ?
🌹यो प्रश्नको उत्तर मैले भन्नू भन्दा पनि दर्शकहरुले यो बिषयमा प्रतिक्रिया दिएको राम्रो हो?
जसलाई पनि आफ्नो सन्तान राम्रो नै लाग्छ, समग्र भन्नू पर्दा गीत राम्रो नै बनेको जस्तो लाग्छ । हामी जस्तो नव अनुहारले उत्पादन गरेको गीतको भिडियोले पनि युट्युबमा राम्रो नै दर्शक पाई रहेको छ । क्यामेरामेन रोशन श्रेष्ठ, निर्देशक सन्तोस गुरुङ्ग, नायिका रेखा बहिनी, मोडल बिक्की दाइ अनि निरुता बहिनी लगायत पुरै टिमको कडा परिश्रमको फल हो यो।

✌ यो भिडियोमा आफैले अभिनय पनि गर्नु भएको छ? कस्तो अनुभव भयो त?
🌹हो मैले पनि यो भिडियोमा अभिनय गरेको छु । म सधै हासी रहने मान्छे, यो सधै हासी रहनेलाई अभिनय गर्दा गाह्रो हुदो रहेछ । त्यो बारी जोत्ने किसानलाई काम गर्न के गाह्रो हुन्छ, त्योभन्दा गाह्रो हुदो रहेछ अभिनय गर्न भन्ने कुराको मैले महसुस गरे । कलाकारहरुले किन धेरै रकमको डिमाण्ड गर्दो रहेछ्भन्ने कुरा अहिले आएर छलङ्गै भयो ।

✌ गीत निकै मर्मस्पर्शी छ? शब्दहरु कसरी संयोजन गर्नु भयो?
🌹म प्राय हिड्दा मोटरसाइकल प्रयोग गर्छु, एकदिन इलाम जानु पर्ने काम भयो । त्योबेला मैले ट्यक्सीमा यात्रा गरेको थिए । मलाई त्यो गुमाउरो बाटोमा यति धेरै गाह्रो भयो कि ट्याक्सी रोकिन्जेल बनायो । ट्याक्सी रोकेको ठाउँमा उत्रीएर हेर्दा त्यही अघि गाह्रो बनाएको बाटोहरु कति मनोरम देखिएको शब्दमा वर्णन गर्न नसकिने, त्यही बेला यसको टाइटल जुरेको हो । अरु शव्दहरु त्यो टाइटललाई जिवित राख्नको निमिक्त हामी सबैले भोगेको देखेको समाजमा भएको घटनाहरुलाई अरु अन्तरालमा थपेको हो ।
वास्तवमा यो गीतको मुल सन्देश भनेको यहाँ जसले जेसुकै गरोस अन्त्यमा मान्छे खुशी हुनुको लागि नै होभन्ने हो ।
यो गीत लेख्दा यतिको राम्रो होला जस्तो लागेको थिएन, मेरो हितैषी मित्र गायक तथा सङ्गीतकार दिपेन याक्थुम्बा, एरेन्जर टंक लिम्बू, गायक तारा लक्समको मिहिनेतको देन हो । वहाँहरुप्रती म धेरै आभार प्रकट गर्न चहान्छु ।

✌ अन्त्यमा के भन्नू हुन्छ?
🌹म सबैलाई धन्यवाद दिन चहान्छु । सबैले सल्लाह सुझाव सेयर गरि दिनु होला । जसले मभित्र साहित्य प्रती राखिएको झुकावलाई उत्प्रेरित गर्न सकोस, जुन कारणले मैले योभन्दा उत्कृष्ट रचनाहरु जन्म गर्न सकौ ।
फेरि पनि धन्यवाद सबैलाई अनि भाइ तिमिलाई पनि धेरै धन्यवाद अन्तर्वार्ताको लागि ।

यो जिन्दगी गीत भिडियोसहित